An enger "Zone tampon" tëscht dem belschen an dem Lëtzebuerger Zonk soll de Bestand u Wëllschwäin op null erofgesat ginn.

En Dënschdeg den Owend war et d'Kritik vun der Jeeërfederatioun, e Mëttwoch am Nomëtteg huet d'Regierung op enger Pressekonferenz reagéiert a konkret Mesuren a Saachen afrikanesch Schwéngspescht annoncéiert.

Et géif een alles maachen, fir déi afrikanesch Schwéngspescht aus dem Land erauszehalen, dat huet de Landwirtschaftsminister Romain Schneider, zesumme mat der Ëmweltministesch Carole Dieschbourg, e Mëttwoch wësse gedoen. An deem Kontext goufen dann och 3 nei Mesurë geholl.

Vun der nächster Woch u soll en Drot südlech vu Stengefort opgeriicht ginn, grad ewéi eng "Zone blanche" tëscht der belscher an der Lëtzebuerger Clôture agefouert ginn, fir eben ze verhënneren, datt sech Wëllschwäin an där Zon ophalen. Donieft wëll een d'Schwéngsbaueren an d'Populatioun nach besser iwwer d'Schwéngspescht informéieren.

Zënter Méint wier een am Echange mat den Autoritéiten aus den Nopeschlänner. Déi 3 Mesurë wieren eng zousätzlech, mä keng 100-prozenteg Garantie, esou d'Regierung.

Wat d'"Zone blanche" ugeet, géif een den Ament un engem Reglement schaffen, deen dann och séier wäert duerch de Regierungsrot goen. D'"Zone blanche" wier eng sanitär Mesure, betount d'Ëmweltministesch Carole Dieschbourg. Zil ass et, an enger nächster Etapp, de Bestand u Wëllschwäin op null erofzesetzen an där "Zone blanche" respektiv "Zone tampon".

AUDIO: D'Carole Dieschbourg

Schonn 2014 hätt d'Naturverwaltung op déi afrikanesch Schwéngspescht opmierksam gemaach. Zënter Jore géif ee probéieren, déi minimal Ofschosszuelen ze erreechen, och wann dat an der Vergaangenheet net ëmmer de Fall war, esou d'Carole Dieschbourg weider.

Generell kéint een awer nach ëmmer op d'Wëllschwäi schéissen, ënnersträicht de Landwirtschaftsminister Romain Schneider.

AUDIO: De Romain Schneider

Esoubal et zu Problemer an Zesummenhang mat der afrikanescher Schwéngspescht géif kommen, hätt ee méiglech Zeenarie preparéiert. An deem Kontext, hätt een och rezent Entrevuë mat den Autoritéiten aus den Nopeschlänner gehat, esou nach d'Regierung.

De Landwirtschaftsminister Romain Schneider war e Mëttwoch den Owend och den Invité am Journal vun RTL Télé Lëtzebuerg. Den Interview am Replay hei uewen am Videoreportage.

Op der Pressekonferenz (vu lénks no riets): Dr. Félix Wildschutz, Direkter vun der Administration des Services vétérinaires, Romain Schneider, Landwirtschaftsminister, Carole Dieschbourg, Ëmweltministesch, Mike Wagner, Premier Conseiller de Gouvernement MECD, a Laurent Schley, Directeur adjoint Administration de la nature et des forêts. / © MA

"Que Saint Hubert nous garde!"

Op enger Informatiounsversammlung vun der FSHCL en Dënschdeg den Owend gouf et massiv Kritik un der Positioun vun der Regierung a Saachen Afrikanesch Schwéngspescht.

Wéi sécher ass eigentlech esou eng Barrière? Gëtt et en Zonk op der Grenz mat der Wallonie? Wéi an duerch wat verbreet de Virus vun der Schwéngspescht sech am meeschten? Op esou Froe kritt een zu Lëtzebuerg vun der Politik nëmmen eng Äntwert, wann ee sech richteg drun hält.

No de Baueren hate sech also d'Jeeër zu Wuert gemellt: D'Fédération St Hubert hat zwee Experten op hir Informatiounsversammlung invitéiert, déi engersäits d'Situatioun an der Belsch an a Frankräich beschriwwen hunn, deenen op där anerer Säit awer och d'Haltung vun den zoustännegen Autoritéiten hei am Land, ferm géint de Stréch geet.

AUDIO: Infoversammlung Schwéngspescht - Reportage Monique Kater

Virun allem den Invité aus Frankräich, Eugène Mertz kënnt nieft den Otem, esou schrecklech reegt hien sech op, iwwer eis Regierung, iwwer déi, déi am Ëmweltministère géinge schlofen, amplaz eppes z'ënnerhuelen. Net normal, komplett dernieft... seng Wierder, déi vun engem Expert a Saache Pathologie vum Wëld, deen de Kapp rëselt well et hei Null Kommunikatioun géif, an och keng Diskussioun. Si, d'Departementer Ardennes, Meuse, Meurthe et Moselle, wieren direkt nom 1. Pescht-Fall aktiv ginn, hätte Clôturen opgeriicht, zesumme mat de Belsch, a geschoss. Dass Lëtzebuerg esou laang bräicht fir waakreg ze ginn, geet dem Auteur an Administrateur vun der Fédération des  Chasseurs de la Moselle, Eugène Mertz, net an de Kapp. Et wier komplett irresponsabel, wat den Ament zu Lëtzebuerg a punkte Wëllschwäin géif geschéien. An Däitschland an a Frankräich hätt een Angscht, well wann d'Schwéngspescht bis ukënnt, kéint net méi exportéiert ginn. Da géife Milliarden Euro an der Ekonomie feelen. Dat wier eng Katastroph, sou den Eugène Mertz.

© RTL Télé Lëtzebuerg / Luc Rollmann

Säin Expert-Kolleg aus der Wallonie erzielt, dass si als éischt emol d'Densitéit vun hirer Wëllschwäin-Populatioun massiv erofgesat hätten... eng Conditio Sine Qua Non, nieft engem Zonk. Deen Eck, wou d'Belsch u Lëtzebuerg grenzt a wou et nobäi e Fall vu Pescht gouf, gesäit de Jean-Marie Giffroy, Veterinär, Jeeër, a Professer op der Uni vun Namur, éischter als Zone à Risque Limité, wéi dass dës Géigend an eng "Zone d'Observation renforcée" géif gehéieren...heescht fir hien: "faire le vide, le plus vite possible"! Zu Mäerzeg gouf een esou munches gewuer. Well ausser den europäeschen, wäit a breet keng Walen ustinn, hat d'Politik fir dësen Owend keng Zäit - dach - d'Oppositioun war vertrueden, an der Persoun vum Martine Hansen, der CSV-Fraktiounscheffin. Et géif ee mierken, dass a Frankräich an an der Belsch e konkret Konzept do wier. Dat géif een hei zu Lëtzebuerg vermëssen, sou d'Martine Hansen. Och un Transparenz géif et feelen. De Ministère hätt eng Informatiounsversammlung mussen aberuffe fir d'Baueren, Jeeër, an all betraffe Leit.

D'Jeeër hunn hier Fuerderungen op den Dësch geluecht: Juegd op d'Wëllschwäin iwwerall an d'ganzt Joer; en Drot vun der Iwwerwaachungszon erop bis op d'Grenz mat Däitschland; a soss all Ënnerstëtzung,, fir d'Juegd op d'Schwäin ze legaliséieren. Bis elo wiere si ausgeschloss, sou de President. Dobäi hätte just si, an net d'Fonctionnairen um Terrain eppes ze sichen.

Arméi zitt en Zonk

Den Ëmweltministère huet iwwerdeems um Dënschdeg confirméiert, dass wéinst der afrikanescher Schwéngspescht d'Arméi an den nächsten Deeg eng 20 Kilometer Zonk laanscht d'Grenz mat der Belsch opriicht.

© Domingos Oliveira

D‘Aktioun leeft an Zesummenaarbecht mat Ponts et Chaussées. Wéi et heescht, wéilt een domadder eng zousätzlech Barrière zur Ofspärung zéien, déi schonn iwwer e puer Kilometer op belscher Säit existéiert.

© Domingos Oliveira

D’Zil ass ze verhënneren, dass e krankt Wëllschwäin eriwwer op Lëtzebuerg leeft. Rieds geet elo och vun enger „zone blanche“, op Lëtzebuerger Territoire. D’Opriichte vum Zonk soll Ugangs nächster Woch ulafen.

Communiqué vum Mëttwoch

Peste porcine africaine (PPA): État des lieux de la situation (20.03.2019)

Communiqué par: ministère de l'Agriculture, de la Viticulture et du Développement rural / ministère de l'Environnement, du Climat et du Développement durable

Romain Schneider, ministre de l'Agriculture, de la Viticulture et du Développement rural, et Carole Dieschbourg, ministre de l'Environnement, du Climat et du Développement durable, ont informé le Conseil de gouvernement des mesures prises en matière de prévention contre la PPA.

Les ministres ont souligné que tous les résultats des 131 tests effectués au Laboratoire de médecine vétérinaire de l'État (LMVE) sur des cadavres de sangliers concernant la PPA ont été négatifs. Jusqu'à ce jour aucun cas de peste porcine africaine sur des sangliers ni sur des porcs n'a été détecté sur notre territoire.

Carole Dieschbourg et Romain Schneider rappellent, dans ce contexte, que le virus de la PPA affecte les sangliers et les porcs domestiques mais ne présente aucun risque pour l'homme même en cas de consommation de viande ou de produits de viande contaminés.

Les ministres ont par ailleurs rappelé que toutes les mesures nécessaires ont été prises:

• Zone de surveillance, délimitée au nord par l'autoroute A6 de Steinfort à Luxembourg, à l'est par l'A4 de Luxembourg à Esch-sur-Alzette ainsi que par les frontières belges et françaises;
• À l'heure actuelle il n'y a pas de restriction spécifique concernant la chasse;
• L'échantillonnage et l'analyse de cadavres de sangliers, morts de cause inconnue, et en zone de surveillance des sangliers accidentés, sont réalisés;
• Le fonctionnement de centres de collecte pour le gibier est garanti, leur nombre a été augmenté à 10;
• Rappel urgent aux chasseurs et aux agriculteurs de respecter les règles de biosécurité;
• Obligation de confiner les porcs domestiques dans la zone de surveillance.

Par ailleurs, les ministres ont informé le Conseil de gouvernement qu'une clôture de 8 kilomètres bordant la piste cyclable au sud de Steinfort sera installée parallèlement à la frontière dans les prochains jours. Dans ce contexte l'instauration d'une zone blanche impliquant la destruction ciblée des sangliers est étudiée.

De plus, l'ouverture exceptionnelle de la chasse au sanglier sera autorisée à toute l'année dans les forêts situées dans la zone de surveillance.

Romain Schneider, ministre de l'Agriculture, de la Viticulture et du Développement rural et Carole Dieschbourg, ministre de l'Environnement, du Climat et du Développement durable, ont souligné que les autorités luxembourgeoises sont en contact étroit et permanent avec les autorités européennes, belges et françaises dans le but d'enrayer la propagation du virus à l'aide d'actions concertées.

Pour avoir des informations supplémentaires, veuillez consulter le dossier sur le portail: https://agriculture.public.lu/de/actualites/dossiers/2019/afrikanische-schweinepest.html