Wéi en Text a liichter Sprooch kléngt, weist d'Introduktioun vum Artikel "Wéi kréien ech meng Sue vun der Krankekeess zeréck?" vu guichet.lu.

Um Internetsite guichet.lu fënnt ee jo Informatiounen zu administrativen Demarchen. Wéi kann ech Facturen un d’Gesondheetskeess aschécken oder e Gebuertsschäin ufroen? Erklärungen zu dësen Demarchë gëtt et zanter e puer Wochen och op enger méi einfacher a besser liesbarer Sprooch.

An esou kléngt en Text an liichter Sprooch: „Die Krankenkasse ist wie eine Versicherung. Ein anderer Name für Krankenkasse ist: Gesundheits-Kasse. Die Krankenkasse bezahlt für bestimmte Sachen, wenn Sie krank sind oder wenn Sie schwanger sind.“

Wat ass “Leichte Sprache”?

Wat ass “Leichte Sprache”?
Wéi en Text a liichter Sprooch kléngt, weist d'Introduktioun vum Artikel "Wéi kréien ech meng Sue vun der Krankekeess zeréck?" vu guichet.lu.

Eng Introduktioun fir den Artikel "Wéi kréien ech meng Sue vun der Krankekeess zeréck?" vu guichet.lu, gelies vum Jesse Pfeiffer. Ma bis et zu der Publikatioun vun esou engem Text kënnt, muss en vum Büro Klaro, e nationale Service fir barrièrefräi Kommunikatioun, gepréift ginn. Hei schaffen och Leit, déi d'leichte Sprache an hirem Alldag gebrauchen. Esou soll erausfonnt ginn, ob d'Texter och wierklech verständlech sinn. D'Mallory Graffé an d'Jessica Berchem gehéieren och zum Préifgrupp vum Klaro:

„Mir maachen d’Texter méi liicht. Dat heescht, mir liesen d’Texter fir an da kucke mer, wéi mir d’Wierder kënnen änneren.“

Schwéier Wierder ginn ëmgeschriwwen an ze laang Sätz gekierzt. Mee och fir Leit, déi net liese kënnen, gesäit d‘“Leichte Sprache“ eng Hëllef fir. Och dat gëtt vun der Préifgrupp kontrolléiert, erkläert d’Jessica Berchem:

„Déi, déi liese kënnen, liesen dann d’Texter fir. Mee ech ka leider net liesen, dofir lauschteren ech dann no, wat am Text geschitt, wat schwéier ass a wat liicht ass. An ech kucken och no Biller, wat besser passt.“

Wien profitéiert vun der „Leichte Sprache“?

Wien profitéiert vun der „Leichte Sprache“?
Wéi en Text a liichter Sprooch kléngt, weist d'Introduktioun vum Artikel "Wéi kréien ech meng Sue vun der Krankekeess zeréck?" vu guichet.lu.

Biller gehéieren zu der liichter Sprooch dobäi. Op guichet.lu ass bei all Schrëtt deen ee maache muss fir zum Beispill kënnen eng Buskaart fir den Adapto unzefroen, en Bild. Ma et wier wichteg, dass d'Informatiounen och an enger méi einfacher Form weidergi ginn, fënnt d'Sylvie Bonne, si ass Responsabel vum Klaro:

„Wann ee mat Leit mat Beanträchtegung schafft, probéiert ee jo ëmmer an der Kommunikatioun fir d’Saachen esou barrièrefräi wéi méiglech ze maachen. Mee dass et eben elo och erausgeet an d’Gesellschaft, dat ass scho wichteg. An dat ass och en Zeechen, dass mir an der Inclusioun vläicht weiderkommen. Well wann sech och aner Ämter an aner Büroen dofir interesséieren, Beräicher wéi d’Kultur och elo kommen, ech mengen da si mer op enger Schrëtt, dass mir soen, mir passen eis de Leit un a mir verlaangen et net ëmgedréint, dass Leit, déi eng Schwieregkeet hunn, sech der Gesellschaft mussen upassen.“

An den éischte Feedback vun den Utilisateuren ass positiv. Elleng dëse Mount zielt guichet.lu 3000 Opriff vun den Internetsäite mat den Artikelen a „Leichter Sprache“. D’Artikele sinn op Däitsch, well Leit mat enger intellektueller Beanträchtegung et dacks méi einfach fannen, déi Sprooch ze liesen, an der si fir d'éischt alphabetiséiert goufen.

Wisou ass Däitsch fir Leit mat enger Beanträchtegung méi einfach ze liesen?

Wisou ass Däitsch fir Leit mat Beanträchtegung méi einfach?
Wéi en Text a liichter Sprooch kléngt, weist d'Introduktioun vum Artikel "Wéi kréien ech meng Sue vun der Krankekeess zeréck?" vu guichet.lu.

Ma virun allem sollen awer nach eng Partie Texter bäikommen, erkläert de Patrick Houtsch, Direkter vum CTIE:

„Dat Ganzt ass en Pilotprojet, dee bis de Summer leeft. Do rechne mir, dass mer eng 10 Demarchen nach zousätzlech kënne publizéieren, fir dass mer op 15 kommen. An nom Summer maache mir dann se Bilan an da kucke mer, wéi et weider geet.“

Et soll awer éischter a Richtung méi Texter goen, rechent de Patrick Houtsch. Mat den Informatiounen a liichter Sprooch gëtt e wichtege Schrëtt a Richtung Inclusioun gemaach.

Wat ass KLARO?

Wat ass KLARO?
Wéi en Text a liichter Sprooch kléngt, weist d'Introduktioun vum Artikel "Wéi kréien ech meng Sue vun der Krankekeess zeréck?" vu guichet.lu.

A mat Informatiounen an der "liichter Sprooch" gëtt e Schrëtt a Richtung Inclusioun gemaach.