Zu engem déidlechen Accident koum et e Mëttwoch géint 15.50 Auer op der A7 a Richtung Éislek. 2 Männer aus Däitschland kommen ëm d'Liewen.

De CGDIS hat gemellt, dass 5 Persoune blesséiert goufen. Spéider koum dunn d'Confirmatioun vun der Police, dass 2 Männer aus Däitschland liewensgeféierlech blesséiert goufen an un de Suitte gestuerwe sinn.

D'A7 war fir ronn 2 Stonnen tëscht Luerenzweiler an der Opfaart Schëndels komplett gespaart, duerno war eng Spuer nees befuerbar. Eng offiziell Deviatioun goung iwwer d'Sortie Waldhaff, Deviatioun D1 + D3.

© RTL Archivbild

Weider Accidenter um Mëttwoch

Geknuppt hat et och nach op der A4, op der Héicht vu Steebrécken a Richtung Süden. Zwee Autoen hu sech hei ze pake kritt, eng Persoun gouf verwonnt. Och an der Munnerefer Strooss zu Fréiseng krute sech zwee Automobilisten ze paken an och hei gouf eng Persoun blesséiert.