Donieft ginn an Zukunft 100% vun de Käschte kompenséiert, wann eng Firma huet misse ganz zoumaachen an dat selwecht gëllt fir Hoteller, déi 75% vum Ëmsaz verluer hätten.
Eng aner zousätzlech Mesure ass déi, datt d’Revenue vun Takeaway a Liwwerungen zu 25% beim Calcul immuniséiert ginn. An d’Plaffonge fir d’Hëllef fir net gedeckte Käschte gëtt ëm 50% an d’Luucht gesat.
D’Horesca-Federatioun huet per Communiqué d’Mesurë begréisst, well dat wieren hir Haapt-Revendikatioune gewiescht. Allerdéngs bedauert se, datt d’Adaptatiounen net retroaktiv applizéiert wäerte ginn. Donieft fuerdert d’Horesca-Federatioun, datt d’finanziell Hëllef bis Enn vum Joer verlängert gëtt an d’TVA fir de Secteur op 3% erofgesat gëtt.
