Mat der Aféierung vum 3G-Konzept op der Aarbechtsplaz géing sech d'Regierung juristesch an dateschutztechnesch op dënnem Äis beweegen.

Am Kontext vum CovidCheck, deen och op der Aarbechtsplaz soll kënnen applizéiert ginn, fuerdere se eng Ofännerung vum Gesetzesentworf.

Déi nei Mesure wieren ze séier ausgeschafft ginn an och net mat de Gewerkschaften diskutéiert ginn.

D'Syndikater fäerten, datt et zu Abuse kënnt.

D'CGFP, den OGBL an den LCGB fuerderen all Deputéiert op, den Artikel iwwert de CovidCheck an engem separate Vott net mat ze droen.

Wa bis den 31. Oktober vun der Regierung keng Bereetschaft zum Kompromëss gewise géif, solle gewerkschaftlech a juristesch Schrëtt ageleet ginn, heescht et am Schreiwes.