De Chauffer hat d’Kontroll iwwert d’Gefier verluer an ass op der anerer Stroossesäit frontal an e Bam gerannt. Hie gouf doropshin an d’Spidol bruecht. Fir den Trafic gouf eng Spuer gespaart.
Kuerz virun 13.30 gouf et dann op der A1 a Richtung Stad e Méindeg eng Kollisioun tëscht engem Auto an engem Camion, bei där sech eng Persoun blesséiert huet. Eng Ambulanz an d’Pompjeeën aus der Stad waren op der Plaz vum Accident.
Ee Blesséierte gouf et moies och an der Rue de l’Eglise zu Péiteng. Hei war een Auto an e Bam gerannt. D’Pompjeeën an d’Ambulanz vu Péiteng hunn dem Chauffer gehollef.
