Am Kader vum Exercice MOUT ("Military Operations in Urban Terrain") huet d'Lëtzebuerger Arméi um Botterweck en intensiven Training ofgehalen.

Wéi d'Arméi op hirem Facebook-Site schreift, wier dësen Exercice Deel vun der Instruction individuelle spécialisée (IIS), déi all Zaldot maache muss. Trainéiert goufen dobäi ënner anerem den Haiserkampf, d'Verdeedege vu Positiounen, d'Reaktioun an Drocksituatiounen, d'Taktik am urbane Raum an den Teamwork.