En Dënschdegowend gouf nees op e puer Plazen uechter d'Land a Gefierer agebrach.

Esou ënner anerem um Boulevard Pierre Dupong an der Stad. Hei hunn Onbekannter ënner anerem en iPad an e Laptop matgoe gelooss.

Iwwerdeems hate Brigangen eng Scheif vun engem Gefier an der Rue Saint-Quirin ageschloen. Hei gouf e Rucksak geklaut, an deem e Laptop war.

D'Police huet a béide Fäll eng Enquête an d'Weeër geleet.