Kuerz no 3 Auer an der Nuecht op en Donneschdeg war et an der Rue Tony Rollman um Kierchbierg zu engem Accident komm. Eng Policepatrull ass op d’Plaz kucke gefuer. En Alkohol- wéi och Drogeschnelltest ware positiv. Et huet sech dann och nach erausgestallt, dass de Won an där Nuecht geklaut gi war an de Chauffer hat kee valabele Fürerschäin.
Op Uerder vum Parquet gouf de Mann festgeholl a koum den Dag dono virun den Untersuchungsriichter. Den Auto gouf séchergestallt a koum zeréck bei säi Besëtzer.
