Och dëst Joer wëll ee mat Honnerten u Benevollen an Associatiounen nees probéieren, souvill wéi méiglech Sue fir d’Lutte géint de Kriibs ze sammelen.
Véier Gemenge wäerten do dëst Joer als Centre de Promesse am Mëttelpunkt stoen. Dat sinn Dippech, Käerch, Schengen a Rodange. Vun dëser Editioun u wäert och d’Supermarchéschaîne Cactus en offizielle Partner vum Télévie sinn an zesumme mat hire Clientë Sue sammelen.
Nei dëst Joer ass och den “Charity Bike” mat deem de “Kiwanis Hesper Roude Léif”, zesumme mat prominenter Ënnerstëtzung, vu Centre de Promesse zu Centre de Promesse pedalléiert a parallel de Compteur vum Télévie weider eropschrauft. Dësen Tour fänkt den 21. Abrëll 2025 un.
