Sou zum Beispill e Samschdegmoien an der Schëfflenger Strooss zu Esch, wou e Chauffer op der Héicht vun engem Busarrêt hannert dem Volant geschlof hat, wärend de Moteur u war.
An der Nuecht op e Sonndeg gouf dann e Chauffer op der Héicht vun der Gare zu Ettelbréck ugehalen, well d’Pneue vu sengem Auto staark beschiedegt waren.
Eng Automobilistin mat staark beschiedegte Pneue war och e Sonndegmoien tëschent Garnech an dem Wandhaff ënnerwee an um Echangeur Ettelbréck war e Chauffer a Schlaangelinnen ënnerwee.
An all de Fall sinn d’Alkoholtester positiv ausgefall an d’Chaufferen hunn hire Permis mussen ofginn.
Zwee weider alkoholiséiert Automobilisten huet d’Police an der Nuecht op e Sonndeg zu Housen an zu Hollerech ugehalen a kontrolléiert. Och si kruten hir Fürerschäiner ofgeholl.
