Allgemeng soen d’Commerçanten, datt leschte Mount vill Clienten an der Stad ënnerwee waren, an d’Geschäfter gutt gelaf wieren. No zwee méi more Jore géing een d’Reprise elo spieren.
Nom Chrëschtdagsgeschäft komme bekanntlech d’Wantersolden. Zanter dem leschten Donneschdeg kënnen d’Butteker elo Prozenter op hir Wuere ginn. Am Buttek an an de Stocke muss Plaz gemaach gi fir d’Wuere vun der neier Kollektioun.
Wéi wichteg d’Solden effektiv fir d’Geschäftswelt sinn, weist de Bléck iwwer d’Grenz. Wéinst Lëtzebuerg däerfen d’Butteker am Departement Lorraine eng Woch éischter mat de Solden ufänke wéi am a Rescht vu Frankräich. Eigentlech fänken d’Solde bei eisen Noperen nämlech eréischt den nächste Mëttwoch un.
