An der Strategie gëtt dovun ausgaangen, dass déi 335.000 néideg Rekrutementer bis 2040, déi d’Inspection générale de la sécurité sociale (IGSS) virgerechent hat, net kënnen erreecht ginn. Den Aarbechtsgrupp vun der Chambre de Commerce leet den Accent dofir op eng méi grouss Produktivitéit an Effizienz. D’Regierung gëtt encouragéiert, Lëtzebuerg zu engem richtegen Hub fir Kënschtlech Intelligenz ze maachen.
Fir den administrativen Opwand fir Aarbechter aus dem Ausland an Entreprisen heiheem ze reduzéieren, schafft d’Chambre de Commerce intensiv un engem Guichet unique. Englesch soll, wéi gesot, eng offiziell Sprooch ginn, well et an der multilingualer Aarbechtswelt souwisou ganz vill geschwat gëtt. Och e Programm, fir d’Partner vun Talenter aus dem Ausland zu Lëtzebuerg um Aarbechtsmaart an an der Gesellschaft z‘integréieren, wär an der Maach. Weider Detailer kéimen am Januar no.
Link:
