An enger éischter Phas riicht sech dës Offer just u Leit, déi hei am Land wunnen. An den nächste Méint kommen Net-Residenten an Entreprisen derbäi. Domat soll nieft dem Telefon, dem direkten Accueil an de Steierbüroen an der Plattform Myguichet e weidere Moyen geschaaft ginn, fir mat der Verwaltung ze kommunizéieren. Iwwert dëse Formulaire soll een dann zum Beispill och eng ganz Rei Certificaten an Dokumenter kënnen ufroen.
Zejoert hunn déi eenzel Steierbüroe bis zu 370.000 E-Maile kritt a sinn an der Moyenne eng 7.800 Mol de Mount ugeruff ginn. Den neie Formulaire fënnt een um Site vun der Steierverwaltung op acd.lu.
