An der Péitruss goufen domadder d’Schantercher agelaut fir d’Installatioune vun der grousser urbaner Gaardenausstellung. Vum 7. Mee bis den 18. Oktober d’nächst Joer wäerte jo op e puer Plazen an der Stad awer och zu Ettelbréck an op anere Plazen an der Nordstad eng ganz Rei vun innovative Gaardeprojeten an artistesche Installatiounen d’Landschafte verschéineren.
Op der LUGA wäert den “Anti Gaspillage” vu Liewensmëttel groussgeschriwwe ginn. Déi ganz Ausstellung soll nohalteg a ekologesch sinn. D’Stater Buergermeeschtesch Lydie Polfer war och dobäi an huet erkläert, wat op der Plaz, wou de Spuedestéch war, fir Installatioune wäerte kommen.
