Haut op den Dag genee viru 5 Joer ass Lëtzebuerg an deen éischte Corona-Lockdown gaangen. Dat hat de Regierungsrot e puer Deeg virdrun decidéiert, fir direkt Kontakter tëscht de Leit an esou d’Verbreedung vum COVID-19-Virus anzeschränken.
Deel vum Lockdown war ënnert anerem, datt d’Altersheimer, d’Schoulen, d’Caféen, d’Restauranten an déi meeschte Geschäfter hu mussen zoubleiwen. Doriwwer eraus goufen all kulturell, sportlech a festlech Aktivitéite annuléiert.
Mam Auto huet ee just aus bestëmmte Grënn duerfe fueren. An deenen nächste Méint a Jore hu sech ëmmer nees méi labber a méi streng Reegelen ofgewiesselt. De 5. Mee 2023 huet d’Weltgesondheetsorganisatioun déi international Noutlag schliisslech opgehuewen.
