Am Kader vun der Staatsvisitt an der Belsch gëtt sécher net driwwer geschwat, an awer huet d'150 kilometerlaang Grenz tëscht der Belsch an eisem Land eppes Apaartes opweises, well se am 19. Joerhonnert duerch 287 opfälleg nummeréiert Grenzsteng markéiert gouf.
Dës Limitatioun vum Land geet op d’Maastrichter Grenz-Accorde vun 1843 zeréck a vill vun de Borne stinn och nach. Vill sinn der awer verschwonnen - et freet ee sech wouhinner?
Vu 14 Grenz-Markéierungen ass gewosst, wou se sinn. Nämlech a Muséeën wéi deem op den 3 Eechelen an am Depot vun de Ponts et chaussées um Wandhaff.
Interessant ass, datt d’Verwaltung vum Kadaster net weess, wéi vill Bornen nach d’Grenze mat den 3 Nopeschlänner markéieren, et ass nämlech un de Gemengen, déi un d’Grenz stoussen, fir all d’Joer d’Grenz ofzegoen.
Eleng laanscht d’belsch-Lëtzebuerger Grenz si 24 Grenz-Borne verschwonnen.
An der Stengeforter Gemeng sollen d’historesch Grenz-Bornen nees tëscht Grass a Sterpenech zeréck gesat ginn, déi wéinst dem Chantier am Dräilännereck Réiden, Mäertesbierg an Éibeng hu missen ewechgeholl ginn.
All dës Prezisioune liwwert den DP-Kulturminister Eric Thill op eng parlamentaresch Fro vum ADR-Deputéierte Fred Keup.
