De Chauffer vun engem Auto hat an enger Kéier d’Kontroll iwwert säi Gefier verluer an ass op där anerer Stroossesäit frontal géint e Bam gerannt. Hien an d’Bäifuererin koume schwéier blesséiert an d’Spidol. Op Uerder vum Parquet war de Miess- an Erkennungsdéngscht op der Plaz. Den Alkoholtest beim Chauffer war positiv, hie krut de Permis ofgeholl.
Zu Rodange gouf e Freideg den Owend géint 18.15 Auer eng Persoun vun engem Auto ugestouss. De Foussgänger koum blesséiert an d’Spidol. An nach eemol ee Blesséierte bei engem Accident an der Nuecht op e Samschdeg géint 3.30 Auer am Neiduerf an der Stad.
D’Nout- a Rettungsdéngschter mellen awer och nach en Accident mat engem Blesséierten de Samschdeg de Moie fréi. Kuerz virun 5.30 Auer waren op der Diddelenger Autobunn 2 Autoen aneneegerannt, tëschent dem Gaasperecher Kräiz an dem Rond-point Gluck.
