Ugefaange kuerz no 20 Auer, do ass d’Police no enger Zeienausso op d’Stater Place de la Gare gefuer. E Mann wier do mat enger Matraque ënnerwee a géif Foussgänger belästegen. Den offensichtlech alkoholiséierte Mann koum an Arrest.
Méi spéit da géint 21 Auer krut d’Police e Mann an der Rue Adolphe Fischer gemellt, deen do um Buedem géif leien. Dësen huet eng Patrull och entdeckt, hien hat nawell vill gedronk a wier a sengem Zoustand eng Gefor fir sech an anerer. Och hie koum an Arrest.
A béide Fäll gouf protokolléiert.
