Och dëst Joer huet de "Cirque du Lux" de Wee op de Glacis fonnt, fir ons d’Chrëschtdag Zäit ze verséissen.

2024 steet ënnert dem Motto "Zirkus Festival". Aus der ganzer Welt kommen Artisten, fir sech ze moossen. Mat engem neie Programm wäerte se eis och dës Chrëschtdagszäit verzauberen. Mir waren am Ufank vun den Opriichtaarbechten dobäi an hunn hinnen iwwert d’Schëller gekuckt. En Opwand, deen definitiv net eleng ze meeschteren ass.