An hirer neier Serie "Venus d'ailleurs" beliichten eis Kolleege vun RTL Infos d'Liewensgeschichte vu Leit, déi aus dem Ausland op Lëtzebuerg komm sinn.

D'Geschicht vun dësem fréieren italieenesche Syndikalist zu Lëtzebuerg ass ontrennbar mat der Geschicht vum Circolo Curiel verbonnen. De Circolo Curiel war eng Héichbuerg vum Aktivismus, deen den Ament Sujet am Kinofilm "La fourchette à gauche" ass.

Am Joer 2024 ass de Franco Barilozzi zu Lëtzebuerg kee Frieme méi. Ma de Pensionär huet d'Upassungsschwieregkeete vum néng Joer ale Jong net vergiess, deen déi italieenesch Regioun Pergola an de 1960er Jore verlooss huet, fir bei säi Papp ze plënneren, dee schonn zu Lëtzebuerg gelieft huet.

Wou hien zu Lëtzebuerg ukoum, war et tatsächlech ee klenge Schock, well alles anescht war, alles war gro. Seng Schoulzäit war schwéier virun allem, well hie kee Lëtzebuergesch geschwat huet.

Ma trotzdeem ass ee séier op de Gemeinschaftssënn vum jonke Mann opmierksam ginn. Eng italieenesch Gewerkschaft huet him eng Plaz ugebueden, wouduerch de jonke Franco Barilozzi säi Wee an den Aktivismus fënnt.

Als laangjärege Mataarbechter vun der ASTI (Association de Soutien aux Travailleurs Immigrés), Initiator vun dem CLAE (Comité de Liaison des Associations d'Étrangers) a vum Festival des Migrations, des Cultures et de la Citoyenneté ass de Franco am Laf vu sengem Liewen un alle méiglechen Initiative bedeelegt.

De komplette Portrait vum Franco Barilozzi fannt Dir hei bei eise Kolleege vun RTL Infos.

"La fourchette à gauche" leeft den Ament a folgende Kinoen : 

Ciné Utopia an der Stad: 
Mercredi 4 décembre à 13h30
Vendredi 6 décembre à 21h : en présence de Donato Rotunno
Dimanche 15 décembre à 16h15 : en présence de Donato Rotunno

Ciné Scala zu Dikrech:
Mercredi 4 décembre en après-midi
Jeudi 5 décembre en soirée
Lundi 9 décembre en soirée.

Ciné Starlight zu Diddeleng:
Vendredi 6 décembre à 19h30

Bande annonce "La fourchette à gauche"