RTL - 26. Pensionnairesfest vu Servior: Josette an Etienne: Frësch verléift an der Luxexpo!

Dass "al um Pabeier" net wierklech "al sinn" heescht, konnt een en Donneschdeg live materliewen.

Eng 600 Pensionnairen an 200 Mataarbechter hunn e Freideg um Pensionnairesfest vu Servior an der Luxexpo um Kierchbierg fir Stëmmung gesuergt. Et war ewell, déi 26. Editioun vum Fest, dat Servior organiséiert, fir hire Pensionnaire Merci fir hiert Vertrauen ze soen.

Ee Mol am Joer kommen déi eeler Leit aus de Fleege- an Altersheemer esou beieneen, fir e flotten Dag z’erliewen. Servior bitt den Ament 1.900 eelere Leit en Doheem, an dat a 15 Alters- respektiv Flegeheemer uechtert d’Land.

Fête des pensionnaires (5.6.25)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Ma dass "al um Pabeier" net wierklech "al sinn" heescht, konnt een en Donneschdeg live materliewen.

Rock'n Roll géing méi Leit op d’Danzpiste bréngen, wéi e "Kettchen Kettchen", seet de Generaldirekter vu Servior, den Alain Dichter. D’Leit géingen ëmmer méi al, mee géinge jonk bleiwen. Deem Changement misst ee sech upassen.

"Den Alter liewen" ass de Slogan vun dëser 26. Editioun vum Pensionnairesfest, d’Thema war d’Waasser an deemno waren och d’Mataarbechter gekleet: Matrous – sou den Dresscode.

Highlight fir eis: Eng frësch verléifte Koppel zielt eis, dass si sech virun engem Joer op dësem Fest kennegeléiert a sech anenee verkuckt hunn!