An Hessen war d'Police en Donneschdegmoie geruff ginn, well zwee Leit op engem Parking fir Co-Voiturage mat enger Flex un engem Auto amgaange wieren.

Wéinst der Meldung vun engem Zeien hat d'Police direkt e puer Patrullen op d'Plaz geschéckt. Hei sollt sech awer erausstellen, datt déi presuméiert Abriecher just zwee Auto-Begeeschterter waren, déi hiren Auto gäre propper hunn. Déi presuméiert Flex war deemno en Industrie-Staubsauger, mat deem d'Mall gebotzt gouf an dee relativ haart war.

Am Auto hätt näischt op Gewalt oder kriminell Aktivitéiten higedeit. D'Beamten hätte just eng "extreem propper Mall" virfonnt.