E Samschdeg war zu Peking e méi aussergewéinlechen Hallefmarathon. Nieft Participanten aus Fleesch a Blutt waren och Roboteren dobäi.

20 Ekippen aus Entwéckler zesumme mat zweebeenege Roboteren, déi tëscht 75 an 180 Zentimeter grouss a bis zu 88 Kilogramm schwéier sinn, hu beim Concours matgemaach.

Vun de Robotere sinn der e puer eegestänneg gelaf, anerer goufe vun Ingenieure gesteiert, déi nieft hinne gelaf sinn. Gelaf gouf op separate Bunnen an dat op ronn 21 Kilometer matten duerch de Pekinger Quartier E-Town, de Site fir sëllege staatlech ënnerstëtzten High-Tech-Firmen.

© AFP
© AFP
© AFP
© AFP
© AFP
© AFP
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Reng zum Spaass war dëse Marathon allerdéngs net. D'Zil vum Evenement war et, d'Leeschtung an d'Zouverlässegkeet vun de Roboteren ze testen. Bei dësem Concours goung et och manner ëm Vitesse, mä méi dorëm, an d'Zil ze kommen.

China als zweetgréisst Vollekswirtschaft vun der Welt huet an de Beräicher Robotik a Kënschtlech Intelligenz eng féierend Positioun.