E Samschdeg waren den Dechen Edmond Ries an den LCGB-President Patrick Dury eis Invitéë vun der Emissioun "Background am Gespréich".

Invité am Background war nieft dem Patrick Dury den Dechen Edmond Ries, dee betount huet, datt d'aktuell Kris eng schwéier Zäit fir jidderee wier, och fir d'Kierch. Et géif awer keng Alternativ ginn an dofir misst ee mam Motto liewen: "Komm mer halen zesummen a ginn op Distanz".

Bis zu deem Moment, wou e Vaccin do ass, kënnt een net derlaanscht, sech anzeschränken. Dat sot de President vum LCGB Patrick Dury, deen ënnerstrach huet, datt d'Regierung, soubal d'Soinen an de Spideeler riskéieren net méi kënne garantéiert ze ginn, séier déi néideg Mesurë misst huelen.

Background am Gespréich mam Edmond Ries a Patrick Dury

"Background am Gespréich" leeft ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an am Livestream um Internet respektiv an der App (Audio a Video). Dono ass d'Emissioun op RTL.LU zu all Ament nach eemol ze lauschteren oder ze kucken - an der Rubrik "Radio" bei Emissiounen "Background" wielen.