E Mëttwoch de Moien ass de Guy Bley, Haut commissaire à la protection national eisen Invité an der Emissioun "Dir hutt d'Wuert".

Kricher, Naturkatastrophen, Cyberattacken, Desinformatioun
 
Déi ganz Lëtzebuerger Gesellschaft soll duerch eng nei national Resilienzstrategie op all méiglech Zort vu Geforen a Risike preparéiert an och d’Leit méi mat agebonne ginn. 
 
E Mëttwoch de Moien wëlle mer är Meenung dozou live um Radio héieren, wann den Direkter vum Haut-commissariat à la protection nationale Guy Bley bei eis an der Emissioun "Dir hutt d’Wuert" ass. 
 
Ass Lëtzebuerg gutt genuch fir Krisefäll preparéiert?

Resilient heescht widderstandsfäeg a prett sinn. D'Fro ass: Si mir dat a kriddelegen Zäiten?
 
Hutt dir Iech selwer scho Gedanken driwwer gemaach wat dir doheem maache kënnt, fir Iech besser op den Eeschtfall virzebereeden?
 
Oder hutt der vläicht einfach Froen zu der nationaler Resilienzstrategie, déi der dem Expert stelle wëllt?
 
Rufft eis no den Neiegkeeten um 8 Auer un op den 1330, fir mam Guy Bley ze schwätzen oder schreift eis elo schonn op rtl.lu