Dat sot de Generaldirekter vun Luxembourg for Tourism en Dënschdeg de Moien als eisen Invité vun der Redaktioun.

An den éischte 5 Méint vum Joer gouf et 70% méi Dagestouriste wéi zejoert. 60% méi Iwwernuechtungen. Dat sinn der awer nach 20% manner wéi virun der Pandemie 2019, wat awer och e ganzt gutt Joer war.

D'Inflatioun spieren d'Leit awer och.

"Malheureusement spiere mer dat. Mir hunn d‘Betriber an d‘Campinge gefrot. 30% soen, dass d‘Leit manner sur place ausginn. D'Leit wëllen a Krisenzäite manner reesen, wat net gutt fir eis ass. An d'Leit wëlle méi kuerz Reesen".

Mat der Covid-Pandemie hu méi Leit zu Lëtzebuerg Loscht kritt op Vakanz heiheem.

"Et goufe vun der Regierung vill Campagne fir Vakanz zu Lëtzebuerg. De Vëlosummer beispillsweis. Et gëtt scho vill gemeet, an dat huet och een Effekt. Besonnech bei de Lëtzebuerger selwer, déi ronn 20% vun de Clienten ausgemaach hunn. 2019 waren dat 10%". Mir si keng Plagendestinatioun a wäerten dat och ni ginn, sot de Sebastian Reddeker. D'Leit géife komme wéinst der Natur, gi gäre spadséieren. Si géifen d'Stad besiche kommen oder gären an d'Muséeë goen.

Problematesch ass den Ament de sougenannte Business-Tourismus.

Invité vun der Redaktioun: Sebastian Reddeker

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d'Emissioun dono och am Replay ze fannen.