Zu Genève an der Schwäiz gouf e Mëttwoch de Ferrari, an deem de Michael Schumacher 2003 Formel-1-Weltmeeschter gouf, versteet.

An dat fir e Rekordpräis. Um Enn vun der Auktioun koum de Ferrari mat der geneeër Bezeechnung "F2003-GA, Chassis 229" fir ëmgerechent 13,2 Milliounen € ënnert den Hummer. Mat de Steieren an de Fraise vum Auktiounshaus muss de Keefer schlussendlech esouguer 14,9 Milliounen € bezuelen.

De Michael Schumacher war wärend der Formel-1-Saison 2003 op néng Coursë mam Auto un den Depart gaangen. Esou och beim Grousse Präis vu Japan, bei deem hie schlussendlech säi sechste Weltmeeschtertitel perfekt gemaach hat.