Formel 1: Grousse Präis vun Amerika
Wéi laang halen Papaya Rules nach? Gëtt den Toun tëschent dem Lando Norrisan dem Oscar Pisatri elo méi rau? Zu Austin kréie mir Äntwerte geliwwert.
22 Punkten trennen déi zwee Mclaren Piloten an der Weltmeeschterschaft an de Momentum schenkt Richtung Norris ausgeschloen ze hunn. De 25 joer jonke Britt huet an deene leschten 3 Coursen 18 Punkte méi gesammelt wéi den aktuelle WM Leader Piastri. Kritt den Australier um COTA Circuit nees kéier? Virun allem kann e gespaant si wéi déi Zwee géintenee Course fuere wäerten.
Nom Groußen Präis vu Singapur schéngen Papaya Rules nämlech ferm um wackelen ze sinn. Ob dat e Sujet ob der Constructeursweltmeschterschaftsparty war? Och de Max Verstappen dierf déi brittesch Ecurie nach net ofschreiwen,well de Red Bull Pilot ass nach an der Course fir Mclaren de Pilotenweltmeeschtertitel virun der Nues ewech ze huelen.
Den FORMULA 1 MSC CRUISES UNITED STATES GRAND PRIX 2025 live um RTL PLAY.
Commentaire: Tom Hoffmann
Expert: Dominique Riefstahl
Är Froen an Äre Feedback un den Tom Hoffmann
Och dës Saison kënnt Dir wärend de Fräien Traininge mam RTL-Commentateur Tom Hoffmann kommunizéieren. Schéckt Är Froen an Äre Feedback einfach per WhatsApp op d'Nummer 621 777 888.
D'Analyse vum RTL-F1-Expert Dominique Riefstahl
Et gëtt gesot: Nomaachen ass di schéinste Form vu Luef.
Beim Circuit of the Americas huet den Hermann Tilke "Copy Pasta" op d'Spëtzt gedriwwen an doduerch dësen Tracé kreéiert an deem e gutt Elementer ronderëm d'Welt siche goung:
D'Suzuka "Esses" gekräizt mat "Maggotts-Becketts" ginn no der éischter Kéier den Toun un, allerdéngs de verkéierte Wee, se ginn ëmmer mei Enk an doduerch muss den Auto duerch d'Kéieren ofgebremst gi wat d'Balance schwiereg mëscht. T16 ass eng Kopie vun T8 zu Istanbul. T12-15 ass de Motodrom vun Hockenheim.
All déi Kéiere sinn technesch usprochsvoll, et gëtt vill kombinéiert duerch d'Passagen eran an eraus gefuer, dat heescht Gas/Brems a säitlech Belaaschtung gläichzäiteg. Den Auto ass ëmmer un der Adhérence-Limitt an d'Pilote regaléieren sech.
Vum Setup hier si mer erëm bei engem Circuit deen di grouss Scheierpaart als Heckflillek verlaangt, mee mechanesch Traktioun ass och gefuerdert.
Di gréissten Erausfuerderung ass awer dass de Circuit op Sumpfgebitt gebaut ass, an sech staark vu Joer zu Joer beweegt an asackt. Dat suergt fir Knubbelen, déi sech beweegen oder néier déi entstan sinn am Verglach zum Virjoer, eppes wat d'Piloten op engem Sprint-Weekend manner dierft gefale fir am eenzege fräien Training d'Ideallinn nei ze studéieren.
Login, fir d'Formel 1 am Stream op RTL PLAY ze kucken
Wéinst de méi strengen Anti-Piratage-Virschrëfte vun der Formel 1 sinn d'F1-Contenuen op RTL PLAY mat engem Login protegéiert. Wien d'Livestreamen an d'Replaye vun de Formel-1-Courssen op RTL PLAY kucke wëllt, muss sech mat sengem RTL-Benotzernumm a -Passwuert aloggen. Och an Zukunft brauch een awer wuelverstanen näischt fir d'Formel 1 op RTL PLAY ze bezuelen.
Programm
Fräien Training, mir iwwerdroen de Programm um RTL Play
Freideg, 17. Oktober 2025: 19h25 – 20h35
Commentaire: Tom Hoffmann
Expert: Dominique Riefstahl
Sprint Qualifying, mir iwwerdroen de Programm vun RTL ZWEE um RTL Play
Freideg, 17. Oktober 2025:
Ufank vun der Emissioun: 23h25
Start vun der Sprint-Qualifikatioun: 23h30
Viraussiichtlecht Enn vun der Emissioun: 0h25
Commentaire: Tom Hoffmann a Franky Hippert
Expert: Dominique Riefstahl
Sprint, mir iwwerdroen de Programm vun RTL ZWEE um RTL Play
Samschdeg, 18. Oktober 2025:
Ufank vun der Emissioun: 18h45
Start vum Sprint: 19h00
Viraussiichtlecht Enn vun der Emissioun: 19h45
Commentaire: Tom Hoffmann a Franky Hippert
Expert: Dominique Riefstahl
Qualifikatioun, mir iwwerdroen de Programm vun RTL ZWEE um RTL Play
Samschdeg, 18. Oktober 2025:
Ufank vun der Emissioun: 22h55
Start vun der Qualifikatioun: 23h00
Viraussiichtlecht Enn vun der Emissioun: 00h10
Commentaire: Tom Hoffmann a Franky Hippert
Expert: Dominique Riefstahl
Course, mir iwwerdroen de Programm vun RTL ZWEE um RTL Play
Sonndeg, 19. Oktober 2025:
Ufank vun der Emissioun: 20h15
Depart vun der Course: 21h00
Viraussiichtlecht Enn vun der Emissioun: 23h30
Commentaire: Tom Hoffmann a Franky Hippert
Expert: Dominique Riefstahl
Saison-Kalenner 2025
17. bis 19. Oktober: FORMULA 1 MSC CRUISES UNITED STATES GRAND PRIX 2025
Circuit of The Americas - United States
24. bis 26. Oktober: FORMULA 1 GRAN PREMIO DE LA CIUDAD DE MÉXICO 2025
Autódromo Hermanos Rodríguez - Mexico
7. bis 9. November: FORMULA 1 MSC CRUISES GRANDE PRÊMIO DE SÃO PAULO 2025
Autódromo José Carlos Pace - Brazil
21. bis 24. November: FORMULA 1 HEINEKEN LAS VEGAS GRAND PRIX 2025
Las Vegas Strip Circuit - Las Vegas
28. bis 30. November: FORMULA 1 QATAR AIRWAYS QATAR GRAND PRIX 2025
Lusail International Circuit - Qatar
5. bis 7. Dezember: FORMULA 1 ETIHAD AIRWAYS ABU DHABI GRAND PRIX 2025
Yas Marina Circuit - Abu Dhabi
