Als 3. fiert de Richie Porte iwwert d'Linn. Am General bleift de Primoz Roglic a Giel, dat virum Tadej Pogacar, deen elo e Réckstand vu 40 Sekonnen huet.

Op der 15. Etapp vum Tour de France, enger weiderer Biergetapp, huet sech den Tadej Pogacar déi zweete Victoire beim Tour 2020 geséchert. De Slowen ass viru sengem Landsmann Primoz Roglic iwwert de wäisse Stréch gefuer. Am General bleift domadder de Roglic a Giel. Hien huet elo nach e Virsprong vu 40 Sekonnen op de Pogacar.

Den Nairo Quintana an den Egan Bernal hunn op der 15. Etapp ganz vill Zäit verluer a spillen am General keng Roll méi ëm de Maillot Jaune.

Fir de Bob Jungels war et e Sonndeg kee gudden Dag. De Coureur vun Deceuninck-Quick-Step huet um Ufank vun der Etapp eng Chute vum kolumbianesche Meeschter Sergio Higuita verursaach, dee kuerz drop d'Course huet missen opginn. De Lëtzebuerger ass méi spéit an der Etapp dunn och nach selwer gefall. Eng Ambulanz, déi um Wee war no vir, huet de Jungels touchéiert, deen doropshi gefall ass. Um Enn ass de Lëtzebuerger als 43. iwwert d'Arrivée gefuer, dat mat engem Retard vu 20 Minutten a 46 Sekonnen. Am General ass de Coureur vun Deceuninck-Quick-Step den 43. op iwwer eng Stonn a 44 Minutten.

De Resumé

E Sonndeg stoung am Tour de France déi 15. Etapp um Programm. Et ass iwwer 174,5 ganz schwéier Kilometer vu Lyon op de Grand Colombier eropgaangen. Deementspriechend wollte sech vill Coureuren an der Echappée erëmfannen. De Bob Jungels huet sengersäits am Ufank vun der Course e ganzt onglécklecht Bild ofginn, andeems hie virun de Sergio Higuita gefuer ass, an de Kolumbianer doropshi gefall ass. Onglécklecherweis ass de Kolumbianesche Meeschter kuerz drop dunn nach eng Kéier gefall an huet e bësse méi spéit missen Abandon erklären.

An der Echappée vum Dag ware Coureure wéi de Pierre Rolland, Jesus Herrade, Simon Geschke an de Matteo Trentin. De Sprinter vum CCC Team huet och den Tëschesprint gewonnen a mécht am Kampf ëm de Maillot Vert wichteg Punkten op de Sam Bennet a Peter Sagan gutt. De maximale Virsprong vun den 8 Coureure louch bei 4 Minutten an 30 Sekonnen. Um Col vum 1 Bierg vum Dag louchen de Geschke, Rolland, Herrada a Gol a Féierung. Am Peloton huet Jumbo-Visma Kontroll iwwerholl. De Bob Jungels huet am 1. Col net méi konnte mathalen.

Am Col de la Biche, eng Montée vun der 1. Kategorie, an zweet leschte Schwieregkeet vum Dag, huet sech an enger éischter Phas de Michael Gogl ofgesat. Uewen eraus sollt sech awer de Pierre Roland déi 10 Punkte fir de Maillot à pois sécheren. Jumbo-Visma huet am Peloton weiderhi ferm fir Tempo gesuergt, sou dass de Grupp mat de Favoritten ëmmer méi kleng ginn ass.

An der leschter Montée, dem Grand Colombier, e Bierg mat enger Steigung vu 7,1 % op 17,4 km Längt, hunn den Nario Quintana an den Egan Bernal 13 km virun der Arrivée déi aner Favoritte missen zéie loossen. D'Echappée war zu deem Zäitpunkt ageholl. 7 km virum Sommet war et den Adam Yates, deen et versicht huet, an de Maillot Jaune attackéiert huet. Hie sollt awer séiere erëm ageholl ginn. 600m virun der Arrivée ass et dunn zur Attack vum Primoz Roglic komm. Op deene leschte Meter gëtt hien awer nach vu sengem Landsmann Tadej Pogacar agefaangen, deen seng 2. Etapp an dësem Tour gewënnt.

Am General bleift domadder de Roglic a Giel. Hien huet elo nach e Virsprong vu 44 Sekonnen op de Pogacar.

De Bob Jungels hat um Sonndeg Glékcn et op senger Säit. De Lëtzebuerger ass nämlech um Wee fir bei de leschte Bierg vum Dag gefall. Eng Ambulanz, déi um Wee war no vir, huet de Jungels touchéiert, deen doropshi gefall ass. Um Enn ass de Lëtzebuerger als 43. iwwert d'Arrivée gefuer, dat mat engem Retard vu 20 Minutten a 46 Sekonnen. Am General ass de Coureur vun Deceuninck-Quick-Step den 43. op iwwer eng Stonn a 44 Minutten.

D'Top10

1 TADEJ POGACAR (UAE TEAM EMIRATES) 04h 34' 13''
2 PRIMOŽ ROGLIC (TEAM JUMBO - VISMA) -
3 RICHIE PORTE (TREK - SEGAFREDO) + 00h 00' 05''
4 MIGUEL ANGEL LOPEZ (ASTANA PRO TEAM) + 00h 00' 08''
5 ENRIC MAS (MOVISTAR TEAM) + 00h 00' 15''
6 SEPP KUSS (TEAM JUMBO - VISMA) + 00h 00' 15''
7 MIKEL LANDA (BAHRAIN - MCLAREN) + 00h 00' 15''
8 ADAM YATES (MITCHELTON - SCOTT) + 00h 00' 15''
9 RIGOBERTO URAN (EF PRO CYCLING) + 00h 00' 18''
10 ALEJANDRO VALVERDE (MOVISTAR TEAM) + 00h 00' 24''

De General

1 PRIMOŽ ROGLIC (TEAM JUMBO - VISMA) 65h 37' 07''
2 TADEJ POGACAR (UAE TEAM EMIRATES) + 00h 00' 40''
3 RIGOBERTO URAN (EF PRO CYCLING) + 00h 01' 34''
4 MIGUEL ANGEL LOPEZ (ASTANA PRO TEAM) + 00h 01' 45''
5 ADAM YATES (MITCHELTON - SCOTT) + 00h 02' 03''
6 RICHIE PORTE (TREK - SEGAFREDO) + 00h 02' 13''
7 MIKEL LANDA (BAHRAIN - MCLAREN) + 00h 02' 16''
8 ENRIC MAS (MOVISTAR TEAM) + 00h 03' 15''
9 NAIRO QUINTANA (TEAM ARKEA - SAMSIC) + 00h 05' 08''
10 TOM DUMOULIN (TEAM JUMBO - VISMA) + 00h 05' 12''