Wärend den Directeur de Course sech iwwert de gudde Platto freet, gesäit de Nationaltrainer Jempy Drucker dat als Chance fir déi jonk Coureuren.

Am RTL-Interview weist sech de Directeur de Course Andy Schleck zefridden iwwert de Platto vu Coureuren, deen dëst Joer um Depart vum Skoda Tour steet. D'Organisateure probéiere Joer fir Joer en ofwiesslungsräiche Parcours ze zeechnen an de Coureuren esou d'Méiglechkeet ze ginn, dem Public en interessant Course ze liwweren.

Andy Schleck iwwer Skoda Tour de Luxembourg
Den Directeur de Course weist sech zefridden iwwert de Platto vu Coureure vun dësem Joer.

Dëst Joer ass och nees eng Lëtzebuerger Nationalekipp um Depart. Den Bob Jungels ass de Kapitän vun der jonker FSCL-Ekipp. Fir de Jempy Drucker ass et wichteg, datt déi jonk Coureuren iwwert déi ganz Saison gutt Resultater gemaach hunn a sech am Kontakt mat der World Tour gutt kënne weiderentwéckelen. Den Nationaltrainer gesäit op deene verschiddenen Etappen Méiglechkeeten, fir sech kënnen an Zeen ze setzen.

De Jempy Drucker iwwer d'FSCL-Nationalekipp
Den Nationaltrainer gesäit et als Chance fir déi jonk Coureuren an esou engem renomméierte Peloton kënnen dobäi ze sinn.

Kuckt hei déi éischt Etapp vum Skoda Tour de Luxembourg.