2028 ass d'Champions-League-Finall zu München an der Allianz Arena, do wou d'Finall schonn d'lescht Joer war. Am Stadion vu Bayern München konnt sech deemools Paris Saint Germain 5:0 géint Inter Mailand duerchsetzen. Et war den éischte Gewënn iwwerhaapt an der Kinneksklass vum PSG. D'Finall war och schonn ënner anerem 2012 an 1997 zu München.

Donieft gouf och well festgeluecht, datt 2029 d'Finall vun der UEFA Champions League zu Barcelona am nei ëmgebaute Camp Nou wäert gespillt ginn. Déi lescht Finall am Stadion vum FC Barcelona gouf et am Joer 1999. Deemools konnt sech Manchester United duerch zwee Goler an der Nospillzäit 2:1 géint Bayern München behaapten.

Dës Saison ass d'Finall iwwregens och a Spuenien, nämlech de 5. Juni 2027 zu Madrid am Stadion vun Atlético.

Dës Saison gëtt d'Champions-League-Finall am Stadion vun Atlétcio Madrid gespillt. © ALBERTO GARDIN / NURPHOTO / NURPHOTO VIA AFP

No 1997, 2012 an 2025 gëtt d'Finall vun der UEFA Champions League 2028 op en Neits am Stadion vu Bayern München gespillt. © LISELOTTE SABROE / RITZAU SCANPIX / AFP

Aktuell gëtt um Stadion vum FC Barcelona nach geschafft. © JOSE BRETON / NURPHOTO / NURPHOTO VIA AFP

The photos published on this site are subject to copyright and may not be copied, modified, or sold without the prior permission of the owner of the site in question.