E Samschdeg konnt iwwerdeems de Maurice Deville mat enger Virlag zu der 4:3 Victorie géint Duisburg bäidroen.

Sonndeg

De Lars Gerson konnt zu der klorer 5:0 Victoire mat sengem Gol no engem Eelefmeter en Deel bäidroen. De Lëtzebuerger ass zwou Minutten no sengem Gol, an der 84. Minutt, ausgewiesselt ginn.

Bei der 4:3 Victoire géint den MSV Duisburg stoung de Maurice Deville mat Mannheim de ganze Match um Terrain. Den entscheedende leschte Gol zum 4:3 Endstand konnt de Lëtzebeurger fir de Seegert mam Kapp virbereeden.

Bei New York City war de Maxime Chanot de ganze Match am Asaz. Zum Schluss geet et am Derby géint Red Bull New York fir eng 2:1 Victoire duer.

Fir de Florian Bohnert ass et mat Mainz II eng 0:2 Defaite géint Hoffenheim II ginn. De Lëtzebuerger stoung déi 90 Minutten um Terrain.

Samschdeg

An der 66. Minutt ass den Olivier Thill beim Stand vun 0:0 op den Terrain komm. 13 Minutten drop ass et dem Daniil Fomin da gelongen den 1:0 fir den FK Ufa ze schéissen. Bis zum Schluss sollt sech um Resultat dann och näischt méi änneren a sou kann de Lëtzebuerger Nationalspiller wichteg dräi Punkte géint den aktuelle russesche Champion feieren.

Den Gerson Rodrigues war um Samschdeg fir 84 Minutten am Asaz. Mat Dynamo Kiew ass et zum Schluss awer just fir en 1:1 géint Olimpik Donetsk duergaangen.

Freideg

D'Ekipp vum Trainer Jeff Saibene war u sech gutt an de Match komm, no 8 Minutten huet de Kutschke si vum Eelefmeterpunkt a Féierung bruecht. An der zweeter Hallschent konnten den Opoku an de Bülow awer fir Rostock markéieren, ier de Kutschke eréischt an der 97. Minutt fir den 2:2 suerge konnt.