Iwwerdeems wënnt Everton mat 3:1 géint Chelsea an de Messi dréit mat sengen dräi Goler zu der 5:2-Victoire géint Mallorca bäi.

Premier League

Everton - Chelsea 3:1
1:0 Richarlison (5'), 2:0 Calvert-Lewin (49'), 2:1 Kovacic (52'), 3:1 Calvert-Lewin (84')

D'Lokalekipp huet e gudde Start an de Match erwëscht a konnt am Numm vum Richarlison schonn no 5 Minutten a Féierung goen. Mat der Zäit huet sech de Gaascht aus London awer gefaange krut a war no um 1:1 drun. Kuerz nom Säitewiessel war et dann awer de Calvert-Lewin, deen an der 49. Minutt e Feeler vun der géignerescher Defense ausnotzen an op 2:0 erhéije konnt. De Virsprong vun 2 Goler huet awer net all ze laang gehalen. Knapps 3 Minutte méi spéit war et de Kovacic, dee fir d'Blues op 1:2 verkierze konnt. Kuerz viru Schluss huet de Calvert-Lewin da mat sengem zweete Gol alles entscheet a sou ka sech Everton ma 3:1 géint Chelsea duerchsetzen.

Bournemouth - Liverpool 0:3
0:1 Oxlade-Chamberlain (35'), 0:2 Keita (44'), 0:3 Salah (54')

Manchester City - Manchester United 1:2
0:1 Rashford (23'), 0:2 Martial (29'), 1:2 Otamendi (85')

Am Manchester-Derby hat d'Ekipp vum Pep Guardiola d'Favoritteroll géint Manchester United. No der Victoire géint Tottenham um leschte Spilldag ass de Gaascht awer mat engem gudde Gefill an de Match komm. Dat huet sech dann och no 23 Minutte gewise, wéi de Rashford seng Ekipp mat sengem Gol a Féierung brénge konnt. Nëmme 6 Minutten drop war et dann de Martial, dee City mat sengem Gol zum 2:0 fir United geschockt huet. Laang hue et gedauert bis d'Lokalekipp reagéiert huet. An der 85. Minuttt konnt den Otamendi verkierzen, dat war awer ze spéit a sou setzt sech United zum Schluss mat 2:1 géint Manchester Ciyt duerch.

Serie A

Udinese - Neapel 1:1
1:0 Lasagna (32'), 1:1 Zielinski (69')

Lazio - Juventus 3:1
0:1 Ronaldo (25'), 1:1 Luiz Felipe (45+1'), 2:1 Milinkovic-Savic (74'), 3:1 Caicedo (90+5')

Am Duell tëscht dem Drëtten an dem Zweeten an der Serie A wollte natierlech kee vun de béiden Ekippe Punkte leie loossen. De Ronaldo huet d'Bianconeri an der 25. Minutt mat sengem Gol a Féierung bruecht. Bis zur Paus sollt dës Féierung awer net halen a sou war et de Luiz Felipe an der leschter Minutt vun der éischter Hallschent, dee mat sengem Gol zum 1:1 ausgläiche konnt. Nom Säitewiessel krut dann de Cuadrado déi rout Kaart gewisen. Lazio huet sech dëse Virdeel net huele gelooss a sou konnt de Milinkovic-Savic an der 74. Minutt den 2:1 fir d'Lokalekipp schéissen. Juventus hat et duerno schwéier, mat engem Mann manner um Terrain, nach un den Ausgläich ze kommen. An der 5. Minutt vun der Nospillzäit huet dann de Caicedo mat sengem Gol zum 3:1 den Deckel drop gemaach an domat verkierzt Lazio de Réckstand an der Tabell op 3 Punkten.

Ligue 1

Montpellier - PSG 1:3
1:0 Paredes (41'), 1:1 Neymar (74'), 1:2 Mbappe (76'), 1:3 Icardi (81')

Nice - Metz 4:1
1:0 Cyprien (9'), 2:0 Cyprien (41'), 3:0 Ganago (59'), 3:1 Niane (74'), 4:1 Lees Melou (75')

De Resumé vum Match fannt Dir bei de Kolleege vum 5Minutes.

La Liga

Real Madrid - Espanyol 2:0
1:0 Varane (37'), 2:0 Benzema (79')

Déi Kinneklech sinn als klore Favorit an de Match gaangen an hunn dat och vun Ufank u gewisen. Allerdéngs huet et bis zu der 37. Minutt gedauert, wéi de Varane den 1:0 schéisse konnt. Och nom Säitewiessel ass et de Gäscht aus Barcelona net gelongen de Ball hannert d'Linn ze kréien. An der 79. Minutt huet de Benzema mat sengem Gol de Match entscheet an duerch déi 2:0 Victoire steet Real Madrid nees un der Tabellespëtzt.

FC Barcelona - Mallorca 5:2
1:0 Griezmann (7'), 2:0 Messi (17'), 2:1 Budimir (35'), 3:1 Messi (41'), 4:1 Suarez (43'), 5:1 Messi (83')

Bundesliga