An Däitschland konnt sech Union Berlin mat 2:0 géint Köln duerchsetzen. An England wënnt Leicester City mat 4:1 géint Aston Villa.

Jans an Top 11 vum 14. Spilldag

De Lëtzebuerger Nationalspiller huet e staarke Match gemaach an Androck hannerlooss. Mat senger Performance géint Bremen packt de Laurent Jans et souguer an d'Top 11 vum Spilldag vum Kicker. Hie krut hei eng Nott vun 2,5.

© Kicker.de

Och der Sportschau huet de Verdeedeger aus dem Grand-Duché et an d'Top 11 gepackt. Als Begrënnung soe si, datt hien ënner anerem 78 Prozent vu sengen Zweekämpf gewonnen huet.

Jans an der "11 des Tages"/Reportage Franky Hippert

Bundesliga

Union Berlin - 1. FC Köln 2:0
1:0 Andersson (33.'), 2:0 Andersson (50.')

Och ënnert dem Markus Gisdol leeft et fir Köln weiderhin net ronn. An der Attack ware se gréisstendeels harmlos an esou war et Union Berlin déi an der 33. Minutt a Féierung konnte goen. An och no der Paus sollt et fir d'Gäscht net besser lafen wëll schonn an der 50. Minutt konnt den Andersson mat sengem 2. perséinleche Gol op 2:0 stellen. Dono war de Match dann net méi sou animéiert an et ass beim 2:0 bliwwen.

Werder Bremen - SC Paderborn 0:1
0:1 Michel (90.')

An engem enke Match an deem de Laurent Jans iwwert déi 90 Minutten um Terrain stoung gewënnt Paderborn duerch e Gol vum Michel an der 90. Minutt mat 1:0 a feiert domadder seng 2. Victoire an dëser Saison.

Premier League

Aston Villa - Leicester City 1:4
0:1 Vardy (20.'), 0:2 Iheanacho (41.'), 1:2 Grealish (45.+2.'), 1:3 Evans (49.'), 1:4 Vardy (75.')