E Méindeg koum d'Meldung, datt eng nei Super League am Futtball soll gegrënnt ginn. Dëst hat fir vill Kritik a Streidereie gesuergt.

8 vun den 12 Topclibb, déi an der Super League sollten untrieden, hu sech schonn offiziell zeréckgezunn. Grond dofir kéinten déi massiv Protester vun de Fans sinn.

U sech wollten 12 Clibb aus England, Italien a Spuenien zesummen déi nei Super League grënnen, dat gouf e Méindeg de Moie kuerz no Mëtternuecht bekannt. Ma knapp 48 Stonne méi spéit solle verschidde Veräiner sech nees wëllen zeréckzéien. Sou war et an der Nuecht op e Mëttwoch d'Meldung, dass déi 6 Veräiner aus England hir Pläng iwwerduecht hunn, an deemno net méi mat dobäi wëlle sinn. Manchester United, FC Liverpool, Chelsea, Manchester City, Tottenham Hotspur an Arsenal hunn dat via Twitter bestätegt. Arsenal entschëllegt sech a schwätzt vun engem Feeler, dee se gemaach hätten.

E Mëttwoch an der Mëttesstonn hunn och Inter Mailand an Atlético Madrid sech zeréckgezunn.

Um Site vum Inter heescht et:

MILAN - FC Internazionale Milano confirm that the Club is no longer part of the Super League project.

We are always committed to giving fans the best football experience; innovation and inclusion are part of our DNA since our foundation. Our engagement with all stakeholders to improve the football industry will never change.

Inter believes that football, like every sector of activity, must have an interest in constantly improving its competitions, to keep on exciting fans of all ages around the world, within a framework of financial sustainability.

With this vision we look forward to carry on working together with institutions and all stakeholders for the future of the sport we all love.

Beim FC Barcelona war Rieds driwwer, dass een d'Fans wéilt driwwer ofstëmme loossen, ob ee soll bei der Super League matmaachen oder net.

D'Plattform Talksports schwätzt vun enger Victoire vun de Fans, déi sech géint dës Super Liga gewiert hunn an se zum Deel mam "Ënnergang" an "Doud" vum Futtball verglach hunn.

Wéi et heescht, wier den Ed Woodward, President vu Manchester United an ee vun den Haaptresposabelen vun der neier Liga, vu sengem Poste bei United zeréckgetrueden. Hie soll awer nach bis Enn vum Joer President bleiwen, d'Decisioun gouf en Dënschdeg publizéiert. Weider heescht et awer, datt och de Stull vum President vu Juventus Turin Agnelli staark géif wackelen.

Et stellt sech d'Fro, wien iwwerhaapt nach mat u Bord ass. Do wieren dann aktuell nach Real Madrid, den AC Mailand a Juventus Turin.

Allerdéngs steet och nach eng Ausso vum President vu Real Madrid am Raum, déi hie beim Guardian gemaach hat. "De Super-League-Vertrag ass fix. Kee ka sech do erauszéien, mir schaffen do all zesummen dran. All d'Clibb hu leschte Samschdeg hir Verträg ënnerschriwwen."

Nominatioun vum Karl Heinz Rummenigge an d'Exekutiv vun der Uefa ass e kloert Zeeche géint d'Super League

Si gouf grouss ugekënnegt elo ass si schonns amgaangen ënnerzegoen wéi d'Titanic. Esou kann een de Projet vun der Super League am Futtball resuméieren. Zanter e Méindeg den Owend, wou ënnert anerem déi englesch Veräiner sech zeréckgezunn hunn, schéngt et kloer ze sinn, dass aus der Liga vun 12 Top Veräiner näischt gëtt. Dat huet sech awer schonns e Méindeg de Mëtteg ugedeit, nodeems de Karl Heinz Rummenigge vu Bayern München nees an den exekutiv Comité vun der Uefa opgeholl gouf. Hien ersetzt den Andrea Agnelli vu Juventus Turin. Den Italiener war eng dreiwend Kraaft beim Projet vun der Super League. Nieft dem Karl Heinz Rummenigge gouf awer och de President vum PSG, dem Nasser Al-Khelaifi, säi Mandat an der Exekutiv vun der Uefa verlängert. Fir de President vun der FLF, Paul Philippe, waren dat e ganzt wichteg Zeechen, fir dass d'Super League net op Bee gestallt gëtt.

Extrait Paul Philippe

De Karl-Heinz Rummenigge ass mat erakomm. Dat huet jo eng taktesch Ursaach. An de President vum PSG. Si sinn als Vertrieder vun der ECA, also den europäesche Veräiner, an d'Exekutiv vun der Uefa komm. Virdru war et den Här Agnelli, dee jo aus bekannten Ursaachen demissionéiert huet, well hien ee vun de Virspriecher ass fir déi Super League. Elo sinn de Karl-Heinz Rummenigge an de President vum PSG mat dobäi, déi dat Spill jo net wëlle mat maachen.

Souwuel Bayern Münche wéi och de PSG ware gefrot ginn, fir an der Super League mat ze maachen. Béid Veräiner haten awer nee gesot.