RTL-Informatiounen no ginn den Trainer Vincent Hognon an d’Ekipp vum Holleschbierg an Zukunft getrennte Weeër.

Um Holleschbierg ass spéitstens nom 1:1 vun e Samschdeg géint Rouspert d'Loft fir den Trainer Vincent Hognon richteg dënn ginn. RTL-Informatiounen no huet de Comité elo D'Decisioun geholl, dass de Swift Hesper an de Vincent Hognon an Zukunft getrennte Weeër ginn.

Gëtt de Pascal Carzaniga nees Trainer zu Hesper an domat Successeur vum Vincent Hognon?

RTL-Informatioune no gëtt den Trainer vun der leschter Saison nees um Holleschbierg gehandelt.

De Carzaniga hat et fäerdeg bruecht, de Swift nach op eng europäesch Plaz ze féieren, huet awer um Enn vun der Saison säi Stull misse raumen.

Hesper huet no 6 Spilldeeg op der 5. Plaz just 11 vun 18 Punkten. Dat geet dem ambitionéierte Club vum Mäzen Flavio Becca net duer. De Vincent Hognon, virdru beim FC Metz, hat eréischt viru ronn 3 Méint beim Swift ugefaangen.