Wéi de Chef vun der WTA-Tour, de Steve Simon, präziséiert, wären domadder och d'Tournoien zu Hongkong betraff.

Weider heescht et, et wier ee säitens der WTA ëmmer nach besuergt ëm d'Wuel vum Peng, nodeems d'Spillerin jo engem héije Politiker vum Land sexuell Iwwergrëffer virgehäit hat.

De Simon gesäit einfach net, wéi Spillerinnen do am Land kéinte Spillen, wärend deem d'Peng Shuai net emol erlaabt géif kréien, fir sech fräi ze äusseren an ënner Drock géif gesat ginn.

Et wéilt een alles maachen, fir d'Tennis-Profien, déi bei WTA-Turnéiere matmaachen, ze schützen an et géif een och net akzeptéieren, dass een esou mam Peng Shuai kéint ëmgoen.