Déi fréier Schwëmmerin aus dem Simbabwe ass domadder déi éischt Fra un der Spëtzt vum Internationalen Olympesche Kommitee.

Dat 41 Joer aalt Coventry ass domadder och déi éischt Vertriederin aus Afrika, déi un der Spëtzt vum olympeschen Daachverband steet. Den Däitschen Thomas Bach konnt no 12 Joer an zwee Mandater net méi kandidéieren.

D'Kirsty Coventry ass déi am meeschten dekoréiert Olympionickin aus Afrika, mat insgesamt siwen olympesche Medailen. Ausserdeem ass si Ministerin fir Jugend, Sport, Konscht a Fräizäit a Simbabwe. Si huet an den USA studéiert an ass fir d'Auburn University geschwommen, wou si vill NCAA-Titele gewonnen huet. Zousätzlech zu hirer sportlecher Karriär huet si sech fir d'Rechter vun Athleten agesat a war Presidentin vun der IOC Athletes' Commission.