Beim neien James-Bond-Film, deen d'nächst Joer an d'Kinoe kënnt, soll 007 vum Lashana Lynch gespillt ginn.

D'Produzente vun dem 25. James-Bond-Film, deen nach keen Titel huet, hu sech fir déi nei Aventure vum Agent eng afale gelooss. Gerüchter no soll den Agent 007, op d'mannst am Ufank vum "Bond 25", vun enger faarweger Fra gespillt ginn. Dëst wär also de Géigendeel vun deem, wat de Publik bis elo kennt: wäiss a männlech.

Dem "Daily Mail" no soll d'Schauspillerin Lashana Lynch d'Lizenz fir doutzemaache kréien, nodeems den aktuellen James Bond (Daniel Craig) säin Job opginn huet.

Zu dëse Gerüchter hu sech d'Produzenten awer net geäussert. Ufank Abrëll hate si awer matgedeelt, datt de Bond géing an d'Pensioun goen. Hie soll dono awer erëm zeréckkommen, esou datt d'Lashana net d'Nofolgerin vum Craig soll ginn. 

Den neien James-Bond-Film soll am Abrëll 2020 an de Kinoe lafen.