D’Walfer Bicherdeeg sinn de Rendez-vous, fir all d’Leit déi gär liesen an och d'RTL-Dictée ass ewell e feste Bestanddeel vun dësem Evenement.

Dësen Evenement, dee fir vill Leit schonn e feste Rendez-vous an der Kulturzeen ass, huet an de leschte Joren ëmmerhi bis zu 12.000 Visiteure gezielt. Um Weekend vum 16. a 17. November fannen d'Passionéierter vun der Lecture op ronn 100 Stänn eng ganz Rei Bicher aus den In- an Ausland, donieft ginn och Liesungen, Workshoppen a Concerten ugebueden.

D'Editioun dëst Joer steet ënnert dem Motto "Mir feieren d'Buch" en Vue vun den 25. Joer Walfer Bicherdeeg. D'Organisateuren hu sech fir de Gebuertsdag och nach déi eng oder aner Iwwerraschung afale gelooss, ënner anerem sinn d'Visiteuren, Aussteller a Frënn vun de Bicherdeeg no 18 Auer an d'Festzelt fir eng "Buchparty" invitéiert.

E Sonndeg stoung vun 10 Auer u wéi gewinnt d'RTL-Dictée um Programm.