Ronn 53 däitsch Schauspiller hu sech mat ironesche Commentairen an de soziale Medien iwwert déi aktuell Coronapolitik opgereegt.

Gefeiert gi se dofir aktuell vun der AfD wéi och ville Verschwörungstheoretiker, well sech d'Schauspiller aus alle Beräicher vun dëse Theorie bedéngt hunn, fir hire Statement kloer ze maachen. Dobäi riichte se wéineg léif Wierder un d'Politik an och un d'Medien.

Ënnert dem Motto #allesdichtmachen hu Kënschtler wéi d'Heike Makatsch, de Jan Josef Liefers oder och d'Vicky Krieps an éischter ironesche Videoen an de soziale Medie gepost.

Dem Jan Joesf Liefers no wëlle si op déi aktuell ganz schlecht Situatioun vum Kultursekteur opmierksam an dofir esou mediewierksam Aussoe maachen. Den däitschen Acteur huet sech dann an enger éischter Meldung iwwert d'Reaktiounen op de Bäitrag distanzéiert. Dat net zu sengen Äusserungen, mä doriwwer, datt hien de Querdenker oder hirer Ideologie géif nostoen och géif et an der aktueller Politik bei eisen Noperen, keng Partei ginn, vun där hie méi wäit ewech wier, wéi d'AfD.

An de soziale Medien reent et dann Applaus a gläichzäiteg Kritik fir dës Aktioun. Esou huet de Moderator Tobias Schlegl, deen och selwer Noutfallsanitäter ass, sech via Twitter iwwert dës "ironesch" Aktioun Loft gemaach.

Aner Schauspiller, wéi de Marcus Mittermeier ass frou, datt hien net gefrot gouf, fir bei där Aktioun matzemaachen. Nees anerer hunn dës Aktioun als "gréissten Erfolleg vun de Querdenker" agestuuft. Fir net wéineger, ginn d'Schauspiller mat hiren Aussoen, och wann dës net eescht gemengt sollte sinn, einfach ze wäit.

De Satiriker Jan Böhmermann huet dann opgeruff, datt déi Lei, déi Problemer mat de Corona-Mesuren hätten, sech sollen d'ARD-Dokumentatioun "Station 43 - Sterben" ukucken. Dës gouf wärend der Pandemie an der Berliner Charité gedréint.

Vill vun den negative Reaktioune goufe vum #allenichtganzdicht begleet.

Positiv dogéint hunn de fréiere President vum Verfassungsschutz an den Hamburger Virolog Jonas Schmidt-Chanasit d'Aktioun gesinn.