Pünktlech fir dat neit Joer an de Festival kritt Kia ee fonkelneie Logo
Renovéiert
An eng nei Ronn start de klenge Picanto; de Baussendesign gouf opgefrëscht an d’Offer u Personnalisatiounsméiglechkeete vergréissert. Dee méi grousse Brudder Rio war och zeideg fir ee Facelift. Méi Infotainment, nei Assistenzsystemer a virun allem ee Mildhybrid-Undriff goufen him zesumme mat engem neie Look verpasst. Eng MHEV-Versioun gëtt et elo och vum renovéierte Stonic. Den 1.0 T-GDi kritt Hëllef vun engem 48V-Bordnetz an domat net nëmme méi Leeschtung mee och besser Verbrauchswäerter.
Enner Stroum
Fir de Festival ass dann no de Mildhybrid- an Dieselversounen de Plugin-Hybrid Sorento PHEV prett. Maximal 70 km packt hien reng elektresch a soll nëmmen 38 g CO2 ausstoussen, d’Kombinatioun aus 1.6 T-GDi an Elektro leescht 265 PS. Den neien, imposante Sorento schéngt mat sengem Design an der neier Technik gutt unzekommen; zënter senger Presentatioun gëtt hie mat Präisser reegelrecht iwwerheeft.
