En Joint Venture mat Geely soll smart nees op d’Rieder hëllefen.

Zu 50% a chineesescher Hand

Schlecht Modellpolitik an déi falsch Partner un hirer Säit – smart konnt sech iwwer zwee Joerzéngten laang einfach net zu enger rentabeler Mark entwéckelen. Och déi lescht Relatioun mat Renault huet iergendwéi net déi gewënschte Friichte gedroen. Hëllef kënnt elo vu Geely, déi schonn zënter 2018 un Daimler bedeelegt sinn. Mat hinne gëtt d’Elektromobilitéit virugedriwwen, wou d’Resultater a Form vun neie smart-Modeller Enn 2021 wäerte gewise ginn.