Laang huet en op sech waarde gelooss, abee um Festival 2024 ass den neie smart esouguer an zwou Declinatioune vertrueden.

Mam Virgänger näischt méi ze dinn

Beim neie smart #1 ass alles anescht. Vill méi grouss, méi Plaz bannenan, méi staark Motoren a virun allem vill méi Autonomie. Do stellt sech d’Fro, wat do nach typesch smart ass? Vläit den Design oder déi ganz Rëtsch pfiffeg Iddien, déi besonnesch am Banneraum agesat goufen? Speziell fir de Festival ass och schonn déi wiesentlech méi elegant Coupé-Versioun smart #3 ausgestallt.

Um Festival fënnt een déi nei smart-Modeller wéi gewinnt an der rue de Bouillon, allerdéngs elo an der Expo 1 an net méi am smart-Center.