Maach emol méi lues!

Méi séier! Dajee, maach virun!
Tempo, Tempo. Alles muss hautdesdaags séier goen. Méi séier, ëmmer méi séier. Eis ganz Ekonomie, alles steet op Beschleunegung. Dalli, dalli.
Mee – keen Trend ouni Géigentrend.
 
Trëppelt een emol duerch d’Bicher-Regaler an de Bicher-Butteker, fält engem op, dass och d’Bicherbranche wuel dee „maach emol méi lues Trend entdeckt huet.                                                                                                                                                                                                                                                                                                                                                                                                                                                                                                                                                                      Erëm zréck op e méi bewosst Konsuméieren vum Liewen. Fort vum méi séier, méi héich, méi wäit, mee méi Genoss. Sech Zäit huelen. Natierlech och alt erëm op anglizistesch – Slow up your life. Do fënnt ee Slow Tourismus a Slow Travel, Slow Life, Slow Living, Slow Christmas mat Slow Cooking, Slow Wine kann ee genéissen. Slow Food natierlech och. Slow Sex gëtt et, wahrscheinlech alles a Slow Motion. Duerno kann een esouguer eng Slow fëmmen.
 
Slow life, zréck op e bewosst Konsuméiere vum Liewen. Beweegung vun der Entschleunegung.
 
Vu slow work op der Aarbecht hunn ech just leider näischt fonnt. Déi maachen erëm bestëmmt net mat!