RTL - Fir den 250. Gebuertsdag vun den USA: UFC-Chef annoncéiert Käfeg-Kampf am Wäissen Haus

D'Wäisst Haus wäert de 4. Juli 2026 fir d'éischt e Mixed-Martial-Arts-Kampf organiséieren – dat fir den 250. Gebuertsdag vun den USA.

D'Wäisst Haus wäert de 4. Juli 2026 – dem Dag wou d'USA den 250. Anniversaire vun hirer Grënnung feieren – e Mixed-Martial-Arts Kampf ofhalen, wéi den Dana White, Chef vum Ultimate Fight Companion (UFC), e Méindeg annoncéiert huet. De White gehéiert zum enke Krees vum President Trump, dee reegelméissege Gaascht bei de UFC-Kämpf ass.

🚨 Dana White says the UFC White House event will be live on CBS on July 4th 👀

“It is definitely gonna happen… July 4th. 250th birthday of the USA. Live on CBS from the White House.” 🔥

🎥 @CBSMornings pic.twitter.com/97yBN390Yj
— Championship Rounds (@ChampRDS) August 12, 2025

De White huet weider annoncéiert, datt d'Duechter vum President, d'Ivanka Trump, un der Organisatioun vum Spektakel fir den Independence Day wäert bedeelegt sinn.

Insgesamt huet de Kampfsport an den USA an de leschte Joer immens u Popularitéit gewonnen. D'Kämpf spille sech traditionell an engem Ring mat aacht Ecker of – dem sougenannten "Octagon" – dee mat engem Drot ronderëm zum wuertwiertleche Käfeg gëtt.

Wéinst Brutalitéit a Verletzungsgefor ass de Sport ëmstridden. Trotzdeem huet d'Disziplin an de leschte Joren ëmmer méi breet Unerkennung fonnt, virop ënner jonke konservative Männer.