De Poopst kënnt e Freideg fir eng Staatsvisitt vu véier Deeg a Frankräich. Um 10 Auer lant de Pontifex zu Paräis.
Um 11 Auer gëtt hien da vum President Macron am Elysée empfaangen a wëll och eng Ried bei der Unesco halen. Erwaart gëtt, datt de Poopst mat Bléck op d'Haltung vu sengem Heemechtsland USA d'Bedeitung vun der multilateraler Kooperatioun betoune wäert.
Am Nomëtteg ass eng Vesper an der Kathedral Notre-Dame. Eng Visitt vun der Kathedral zesumme mam Macron, dee sech nom Brand vun 2019 fir e séiert Restauréieren agesat hat, hat de Vatikan refuséiert. Owes ass dann nach eng Véillée, e Gebietstreffen, mat 80.000 jonke Mënschen am Stade de France.
De Poopst Leo ass och e Samschdeg nach zu Paräis, wou mëttes eng grouss Mass ënner fräiem Himmel ass op der Place de la Concorde an de Champs Elysées, éier et dann op Lourdes geet an e Méindeg op Metz.
