Déi iranesch Loftofwier huet zwee US-Kampfjetten ofgeschoss. Een iwwert iraneschem Buedem an een iwwert dem persesche Golf, net wäit fort vun der Strooss vun Hormus ewech.
Béid Pilote wiere vun US-Spezialeenheete gerett ginn, heescht et vun US-Medien. Allerdéngs war an der Maschinn, déi iwwert dem Iran erofgefall ass, och en Offizéier mat dobäi, deen nach als vermësst gëllt.
Den Iran huet eng Primm annoncéiert an och d’Populatioun opgeruff nom Mann ze sichen.
An engem Interview mam Fernsehsender NBC News sot den US-President Donald Trump, dat wat geschitt ass, géing d’Negociatiounen net affektéieren. Den Iran allerdéngs dementéiert jo, dass Verhandlungen iwwerhaapt am Gaange wieren.
