Nom Récktrëtt vum Roberto Traversini soll d'Christiane Brassel-Rausch de Poste vum Buergermeeschter iwwerhuelen.

Dat huet Déifferdenger Sektioun vun déi gréng en Dënschdeg den Owend spéit an engem Communiqué matgedeelt. Wéi mer schonn en Dënschdeg gemellt haten, war nieft dem Schäffen Georges Liesch op eemol och den Numm der grénger Politikerin zirkuléiert. De Georges Liesch gouf um Enn net zeréckbehalen.

Wéi et heescht, hätt d'Lokalsektioun en Dënschdeg den Owend unanime decidéiert, dass et zu folgende Changementer am Schäfferot kënnt:

d'Christiane Brassel-Rausch gouf wéi gesot fir de Poste vum Buergermeeschter proposéiert an de Paulo Aguiar, aktuelle Conseiller, soll d'Laura Pregno am Schäfferot ersetzen. Bis elo gouf déi gréng Schäffin, déi aktuell am Congé Parental ass an dowéinst am Gemengerot sëtzt, vun der Madame Brassel am Schäfferot remplacéiert.

Éier déi nei Buergermeeschtesch ka vereedegt ginn, muss den Déifferdenger Gemengerot d'Propositioun vun déi gréng majoritär unhuelen.

Kee Statement vun der Christiane Brassel-Rausch

Wéini de Gemengerot wäert beienee kommen, wier den Ament nach net gewosst, huet eis d’Christiane Brassel-Rausch, e Mëttwoch de Moien op Nofro hi confirméiert. Si wéilt, bis se dann och d’Zoustëmmung vum Gemengerot krut, iwwerdeems och nach kee Statement ofginn. Et wier och esou, dass d’Demissioun vum Roberto Traversini jo nach misst validéiert an aktéiert ginn.

An hirem Schreiwes bedauert d'Lokalsektioun vun déi gréng aus der drëttgréisster Gemeng vum Land déi rezent Evenementer ronderëm hire fréiere Buergermeeschter Roberto Traversini. Et ass awer d'Präzisioun, dass ee seng Decisioun zeréckzetriede géif respektéieren, et géif een him Merci soe fir säin Engagement iwwert all déi Joren, fir d'Stad Déifferdeng an hir Bierger.
Weider betounen déi gréng, dass näischt un der aktueller Koalitioun ännert. Et géif een et der CSV am Déifferdenger Gemengerot héich urechnen, dass dës déi lescht Zäit ëmmer Respekt a fair-play géintiwwer dem grénge Koalitiounspartner gewisen hätt.

COMMUNIQUE DE PRESSE

Concerne: Nouvelle composition du collège échevinal pour «déi gréng Déifferdeng»

Suite à la démission de M. Roberto Traversini de son mandat de bourgmestre de la Ville de Differdange la section de «déi gréng Déifferdeng» vient de déciderà l’unanimité les propositions de changements suivants pour ses mandataires au sein du collège échevinal:-Mme Christiane BRASSEL-RAUSCH sera candidate auposte de bourgmestre.

M. Paulo AGUIAR, actuellement conseiller communal, reprendra le mandat d’échevin-remplaçant pour Mme Laura PREGNO.«déi gréng Déifferdeng» déplorent fortement les événements récents autour du bourgmestre Roberto TRAVERSINI.

Nous comprenons et respectons sa décision. «déi gréng Déifferdeng» remercient de tout cœur Roberto TRAVERSINI pour son engagement sans pareil et de longue date pour la Ville de Differdange et pour ses habitants et nous lui souhaitons courage et bonne chance pour son avenir.«déi gréng Déifferdeng» tiennent également à remercier leur partenaire de coalition de la CSV qui a témoigné un grand respect et fair-play envers son partenaireet sa volonté de continuer la collaboration très fructueuse.

La coalition en vigueur continuera donc son travail avec les nouveaux mandataires et s’engage à finaliser le programme de coalition très ambitieux déjà entamé jusqu’au prochain verdict des électeurs.

Differdange, le 24 septembre 2019

déi gréng Déifferdeng