Wéi d’Police um Sonndegmoie präziséiert, sinn éischten Informatiounen no déi zwee Gefierer an enger Kéier frontal aneneegerannt. Béid Gefierer goufen duerch d’Kollisioun an de Säitegruef geschleidert.
Ambulanze vu Suessem-Déifferdeng, Esch a Mamer waren op d’Plaz geruff ginn.
Quasi ëm déi selwecht Zäit ass zu Eschweiler bei Wolz, am Beigewee en Auto an e Bam gerannt. D’Rettungsservicer vu Wolz waren am Asaz, grad ewéi den Ettelbrécker SAMU. Am CGDIS-Bulletin steet geschriwwen, et wier kee blesséiert ginn.
E Samschdeg géint 20.40 Auer ass tëscht Helleng a Beetebuerg en Auto accidentéiert, deen doropshi Feier gefaangen huet. Et blouf beim Materialschued.
De CGDIS mellt dräi Accidenter vun e Sonndegmëtteg. An der Mëttesstonn sinn am Rond-point Iergäertchen en Auto an e Motorrad matenee kollidéiert. Eng Persoun gouf verwonnt. Kuerz virun 13.30 Auer waren an der Rue Pierre Gansen zu Nidderkuer 2 Autoen net laanschtenee komm. Hei gouf et zwee Blesséierter.
A kuerz no 15.30 Auer ass tëscht Allënster a Kéideng ee Motocyclist gefall an dobäi verwonnt ginn.
